काठमाडौं १७ कात्तिक । नेपाली कांग्रेसका नेता तथा पुर्व मन्त्री गगन थापाले हाल सर्वोच्च अदालतमा देखिएको समस्या जड नेकपा एमाले भएको बताएका छन् ।
बुधबार भक्तपुर सूर्यविनायक नगरपालिका-४ ले आयोजना गरेको चियापान कार्यक्रममा नेता थापाले अध्यक्ष केपी ओलीको अदालतमा सेटिङ गर्ने कार्यशैलीको परिणाम भएको भन्दै उनले यस्तो आरोप लगाएका हुन् ।
‘अख्तियारमा आफ्ना मान्छेहरु भर्ती गर्ने काम भयो । एमाले सरकारले राज्यका सबै ठाउँमा पछिल्ला तीन वर्षमा भद्रगोल अवस्था सिर्जना गरिदिएको छ ।’ थापाले भने । एमाले अहिले पार्टी नभएर ओली प्राइभेट लिमिटेड भएको भन्दै आफुलाई भीम रावल देखेर माया लाग्ने गरेको समेत बताएका छन् ।
‘फरक मत राख्ने भीम रावल र घनश्याम भुसाल छन् । विचरा भिम रावल देख्दा माया लागेर हुन्छ । फरक मत राख्नेलाई ओलीले कुन दिन पार्टीबाट निकाल्छन,’ थापाले कार्यक्रममा भने ।
ओली प्राइभेट लिमिटेडले दण्ड पाउनैपर्ने बताएका उनले केन्द्रदेखि सबै प्रदेश सरकार गुमाए उमाले सडकमा आएको बताएका छन् । उनले भने, ‘एमालेले अहिलेसम्म कहिले एकल सरकार बनाएको छ ? एक्लाएक्लै लडे तेस्रो हुन्छ तर सिंगल-सिंगल आइज भन्छ ।’
