मकवानपुर १६ कात्तिक । बन्द कोठामा लुकाई राखेको अवस्थामा प्रहरीले १०५।६६ क्युफिट सालको चिरान काठ बरामत गरेको छ ।
विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले हेटौंडा उपमहानगरपालिका-३ सरस्वती पाखा टोल बस्ने ३८ वर्षीय उमेश लामाको भान्साकोठाबाट खनतलासी गर्दा उक्त काठ बरामत गरेको हो ।
उक्त बरामत काठसहित लामालाई अनुसन्धानको लागि वन कार्यालय पठाइने जिल्ला प्रहरी कार्यालय मकवानपुरले जानकारी दिएको छ ।
