काठमाडौं १६ कात्तिक । उच्च अदालत जनकपुरधामले पूर्व राज्यमन्त्री संजय साह ‘टकला’ लाई ११ वर्ष कैद सजायको फैसला सुनाएको छ ।
आज भन्दा नौ वर्ष अगाडी जनकपुरधाममा पाँच जनाको ज्यान जाने गरी भएको बम विष्फोट अभियुक्त ठहरिएका साहमाथि अदालतले यस्तो फैसला सुनाएको हो ।
उच्च अदालतका न्यायाधीशद्वय धीर बहादुर चन्द र रमेश ढकालको संयुक्त इजलाशले साहलाई ११ वर्षको कैद सजायको फैसला सुनाएको हो ।
२०६९ वैशाख १८ गते मिथिला राज्यको माग गर्दै भर्नामा बसेकालाई लक्षित गर्दै जनकपुरधामस्थित रमानन्द चोकमा बम विस्फोट गराउँदा ५ जनाको ज्यान गएको थियो भने ३२ जना घाइते भएका थिए ।
