काठमाडौँ १४ कात्तिक । नेपालमा पछिल्लो २४ घण्टामा थप ४०८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ५,७३१ पीसीआर परीक्षणमा ३७६ जना र २,१६८ एन्टिजेन परीक्षणमा ३२ जना गरी ४०८ जनामा कोरोना संक्रमण पुष्टि भएको हो ।
त्यसैगरी, पछिल्लो २४ घण्टामा ५१८ जना संक्रमणमुक्त भएका छन् भने ८ जना संक्रमितले ज्यान गुमाएका छन् ।
मन्त्रालयका अनुसार कोरोना संक्रमणबाट निको हुनेको दर ९७।४ प्रतिशत रहेको छ ।
