कैलाली १४ कात्तिक । अवैध लागु औषध सहित प्रहरीले तीन जनालाई पक्राउ गरेको छ । पक्राउ पर्नेमा धनगढी उपमहानगरपालिका-८ बस्ने २४ वर्षीय बसन्त चौधरी लगायत ३ जना रहेका छन् ।
उनीहरुको साथबाट जिल्ला प्रहरी कार्यालय कैलालीबाट खटीएको प्रहरीले जाँच गर्ने क्रममा ४ ग्राम १ सय मिलिग्राम अबैध लागूऔषध हेरोईन जस्तो देखिने पदार्थ बरामत गरेको छ । शनिबार साँझ पक्राउ परेका उनीहरुमाथि थप अनुशन्धान भइरहेको प्रहरीले जनाएको छ ।
त्यसैगरी , अबैध लागूऔषध ब्राउन सुगर जस्तो देखिने धुलो पदार्थ र नगद ४ हजार ४ सय ८० रूपैयाँ सहित तिन जनालाई प्रहरीले पक्राउ गरेको छ । पक्राउ पर्नेमा
सुर्खेत, वीरेन्द्रनगर नगरपालिका८ सुकुम्बासी टोल बस्ने १८ वर्षीय किशोर सहित ३ जना रहेका छन् ।
उक्त अवैध लागु औषधको कारोवार भइरहेको सुचनाको आधारमा जिल्ला प्रहरी कार्यालय सुर्खेतबाट खटीएको प्रहरीले उक्त लागुऔषध सहित उनीहरुलाई पक्राउ गरेको हो ।
