मेयर कप भेट्रान्स फुटबल प्रतियोगिताको आजको खेलमा बिजयी हुदै झापा भेट्रान्स सेमिफाईनलमा प्रबेश गरेको छ । त्रिपुरेश्वरस्थित दशरथ रंगशालामा आज सम्पन्न खेलमा चितवन भेट्रान्सलाई हराउँदै झापा अन्तिम चारमा स्थान बनाउन सफल भएको हो । झापाले चितवनलाई चार शुन्य गोल अन्तरले पराजित गरेको हो ।
झापालाई सेमिफाइनलमा पुर्याउनका लागि नरेन्द्र मणी लिम्बु, अंकुर कुमार खड्की र रमेश गुरुङले गोल गरे । लिम्बुले २ गोल गरे भने खड्की र गुरुङले एक एक गोल गरे । आजको यो जित सँगै झापा सेमिफाइनल पुग्ने तेस्रो टिम बन्न सफल भएको छ । यस अघि नेपाल आर्मी भेट्रान्स क्लब र एफई खुमलटार भेट्रान्स क्लबले सेमिफाइनलमा स्थान पक्का गरिसकेका छन् । प्रतियोगिताको विजेताले ५ लाख र उपविजेताले २ लाख ५० हजार पाउने पाउने छन्।
