अखिल नेपाल फुटबल संघ एन्फाले सहिद स्मारक ए डिभिजन लिग फुटबल प्रतियोगिताको खेल कार्यतालिका सार्वजनिक गरेको छ । खेल तालिका अनुसार कात्तिक २९ गते बाट खेल सुरु हुनेछ । उद्घाटन खेलमा फ्रेन्ड्स क्लब कुपन्डोल र सातदोबाटो युथ क्लबबीच प्रतिस्पर्धा हुने भएको छ । यी दुबै टीम बीचको खेल बेलुका ५ बजे बाट सुरु हुनेछ ।
त्यसैले दशरथ रंगशालामा हुने उद्घाटन खेल फ्लड लाइटमा खेलाईने भएको हो । ए डिभिजन लिगमा सातदोबाटोले पहिलो पटक प्रतिष्पर्धा गर्न लागेको हो । सातदोबाटो बी डिभिजन लिगको च्याम्पियन बन्दै शीर्ष डिभिजनमा बढुवा भएको हो। लिगमा ए डिभिजनका १४ क्लबले आपसमा भिड्ने छन् ।
