नेपालमा छायांकन गर्न आएको बलिउड फिल्म उचाईले छायांकनको काम सकेको छ । फिल्म उचाईले नेपालका बिभिन्न ठाउँहरुमा छायांकन गरेको हो । यो फिल्मको पहिलो चरणको शुटिंग मात्र रहेको छ । अरु छायाँकन हुन बाँकि नै रहेको छ । यस फिल्मको अरु छायाँनको काम अब भारतमै हुने निर्माण पक्षले जनाएको छ ।
४० दिनको समय लिएर आएको फिल्म निर्माण पक्षले २५ दिनमै शुटिंग सम्पन्न गरेको हो । मौषम अनुकुल भएपछि छायाँकनको काम चाँडै सकिएको प्रोडक्सन डिजाइनर पुष्कर लामाले जानकारी दिए । फिल्मको छायाँकन काठमाडौं, लुक्ला, नाम्चे, बेसीसहर , मनाङ लगायतका स्थानमा गरिएको छ । उचाई फिल्मको टिम भोली नै भारत फर्किने तयारी गरेको छ ।
सुरज वर्जत्यले निर्देशनमा बनिरहेको यस फिल्ममा अनुपम खेर, बोमन इरानी, परिणिती चोपडा र सारिका हसन बाहेक अमिताभ बच्चनको पनि भूमिका रहेको छ। यस चलचित्रमा एक दर्जन जति नेपाली कलाकारले समेत अभिनय गर्ने अवसर पाएका छन् ।
