बिसं २०७८ असार ३० गते महोत्तरीको सम्सी गाउँपालिका –१ स्थित पर्सा बजारमा रहेको राजीव ज्वेलर्सबाट करिब रु ९ लाख बराबरको सुनचाँदीका गरगहना लुटपाट गरेर फरार रहेका डाका ९कारी भन्ने० विश्वनाथ पासवानलाई महोत्तरी प्रहरीले बिहीबार जिल्लाको सोनमा गाउँपालिका– ३ बाट पक्राउ गरेपछि पत्रकार सम्मेलन गरेर सार्वजनिक गर्दै जिल्ला प्रहरी ।
आर्मी सेमिफाइनलमा प्रवेश-नेपाल आर्मीले भनिमण्डल भेट्रान्स क्लबलाई पराजित गर्दै मेयर कप भेट्रान्स फुटबल प्रतियोगिताको सेमिफाइनलमा प्रवेश गरेको छ ।
त्रिपुरेश्वरस्थित दशरथ रङ्गशालामा आज भएको पहिलो क्वाटरफाइनल खेलमा भनिमण्डल भेट्रान्स क्लबलाई ३–० गोल अन्तरले पराजित गर्दै आर्मी अन्तिम चारमा प्रवेश गरेको हो । आर्मीको जितमा राजु तामाङ, विकर्ण श्रेष्ठ र हरि महतोले एक–एक गोल गरे ।
राजुले खेलको छैटौँ मिनेटमा गोल गर्दै आर्मीलाई पहिलो अग्रता दिलाए । यस्तै विकर्णले खेलको १६औँ मिनेटमा आर्मीको अग्रता दोब्बर बनाए । हरिले खेलको ४९औँ मिनेटमा गोल गर्दै आर्मीलाई ३–० को अग्रता दिलाए । त्यसपछि खेलमा गोल हुन सकेन ।
