नेपाली सिने जगतका महानायक राजेश हमाल अब गायन क्षेत्रमा पनि देखिने भएका छन् । हमालले आफ्नो जिवन सुहाउँदो गीत गाएका हुन् । उनले मन बुढो भएन बोलको गीत रेकर्ड गराई सकेका छन् । यस गीतमा उनलाई अहिलेकी चर्चित गायीका एलिना चौहान , बेनिशा पौडेल र सुवास पुरीले साथ दिएका छन् । राजेश हमालकै जिवन कथा बोकेको यस गीतलाई दीपक शर्माले शब्द तथा संगीत भरेका छन् । यो गीत रेकर्ड भईसकेको छ ।
वेभ स्टुडियोमा दुई महिना अगाडि गीत रेकर्ड गरिएको गीतकार दीपक शर्माले बताए । अहिले यो गीतको भिडियो निर्माण भईरहेको बताइएको छ । गीतको भिडियोलाई देवेन्द्र पाण्डेले निर्देशन गरेका छन् । गीतको भिडियोमा पनि राजेश आफैले अभिनय गर्नेछन् । फिल्मका गीतहरुका लिप्सिंग दिन माहिर महानायक हमालले आफैले गाएको गीत कतिको कर्णप्रिय रहेको छ त्यो भने सुन्न र हेर्न बाँकि नै रहेको छ । गीत तिहार छेक आउने बताइएको छ ।
