काठमाडौँ– कोरोना संक्रमणबाट मृत्यु भएकाहरुको शव ब्यबस्थापन नेपाली सेनाले गर्दै आएको छ । त्यो पनि पूरुष सेनाहरुले मात्रै । तर पछिल्ला दिनमा महिला सैनिक पनि शव व्यवस्थापनमा खटिन थालेका छन् । जसको पछिल्लाचे उदाहरण सल्यानमा देखियो । सल्यानमा अवस्थित सबुज गणमा कार्यरत सहसेनानी श्वेता पौडेलको नेतृत्वमा शव व्यवस्थापनमा महिला सैनिक टोली खटिएको नेपाली सेनाले जनाएको छ ।
नेपाली सेनाका अनुसार जिल्लामा सङ्क्रमित मृतकका शव व्यवस्थापनमा पहिलो पटक महिला सैनिक खटिएको हो । शव व्यवस्थापनमा तालिम दिएर महिला सैनिक परिचालन गरिएको हो । शारदा नगरपालिकाको आर्थिक सहयोगमा २५ श्ययाको आइसोलेशन निर्माण गरेर सबुज गणले उदाहरणीय र तारिफयोग्य काम गरेको छ ।
