रौतहट १० कात्तिक । अवैध लागुऔषसहित प्रहरीले एक जनालाई पक्राउ गरेको छ । पक्राउ पर्नेमा सर्लाही ईश्वरपुर नगरपालिका-५ पोखरीया बस्ने २२ वर्षीय रोज महमद रहेका छन् ।
मंगलबार साँझ प्रहरीले बाटोमा हिड्दै गर्दा चन्द्रपुर नगरपालिका-४ चन्द्रनिगाहपुर चोकबाट ३ हजार ट्याब्लेट नियन्त्रित लागूऔषध नाइट्राभेट सहित ईलाका प्रहरी कार्यालय चन्द्रपुर र लागूऔषध नियन्त्रण ब्यूरो शाखा कार्यालय वीरगंजबाट खटिएको प्रहरीले चेक जाँच गर्दा पक्राउ गरेको हो ।
यस विषयमा थप अनुशन्धान गर्नको लागि ईश्वरपुर नगरपालिका(२ बस्ने ३७ वर्षीय देवेन्द्र दासलाई पनि प्रहरीले पक्राउ गरेको छ ।
यस विषयमा प्रहरीले थप अनुसन्धान गरिरहेको छ ।
