काठमाडौं ९ कात्तिक । काठमाडौंं उपत्यकाका विभिन्न स्थानमा सञ्चालन हुँदै आएका ३९ पसलहरुलाई जिल्ला प्रशासन कार्यालय काठमाडौंले कारवाही गरेको छ ।
साताब्यापी बजार अनुगमनका क्रममा खाद्यान्न, लत्ता कपडा, तरकारी लगायतका ३९ पसलहरुलाई कारवाही गरेको हो ।
उपभोक्ता हित विपरित सञ्चालित यी पसलहरुबाट ३ लाख १० हजार रुपैयाँ जरिवाना गरिएको जिल्ला प्रकाशन कार्यालय काठमाडौंले जनाएको छ ।
प्रशासनले वाणिज्य, आपूर्ति तथा उपभोक्ता संरक्षण विभाग लगायत विभिन्न सरोकारवाला निकायहरुसहित साता व्यापी बजार अनुगमन सुरु गरेको छ ।
अन्य पसलहरुलाई भने सुधार गर्न निर्देशन दिएको छ ।
