काठमाडौं । संचारकर्मी जिबि चिरन यानेकी चिरञ्जिवी सापकोटा पछिल्ला दिनमा अभिनयमा ब्यस्त छन् । उनले अभिनय गरेको रेलको बाटोले चर्चा पाइरहँदा नयाँ गीत धोका दियौंको भिडियो रिलिज गरिएको छ । ‘हेर यो मुटु चिरा पर्या छ’ सफलता पछि जिबि चिरन र रोशनी कार्की अभिनित धोका दियौंको सर्वत्र चर्चा सुरु भएको हो ।
जसमा चर्चित वेव सिरिज आजकालको लभका लेखक निर्देशक, कलाकार जिबेश गुरुङ, रोशनी कार्की, उज्ज्वल रावत लगायतको अभिनय रहेको छ । सिर्जन बरालले निर्देशन गरेको गीतमा प्रमोद खरेलले स्वर रहेको छ ।
जसमा सुवास कार्की अर्थात कार्की जिको शब्द एवम् संगित, बिशाल निरौलाको एरेन्ज रहेको छ । राजेश घिमिरेको छायांकन, अमृत चापागाईंको सम्पादन रहेको यस गीतलाई जनता डिजिटलले निर्माण समायोजन गरेका छन्। भिडियो आहा टिभीको अफिसियल युटुब च्यानलमार्फत बजारमा ल्याइएको हो ।
