आधुनिक तथा चलचित्रका गीतहरुमा आफ्नो सुमधुर स्वर दिएर चर्चा कमाइसकेका गायक यम बरालको नयाँ गीत सार्वजनिक भएको छ । उनको ‘खुसीको गीत’ बोलको गीत बुढासुब्बा डिजिटलको युट्युबमार्फत सार्वजनिक भएको हो । नेपाली गीत संगीतमा लामो समय देखी आफुलाई उभ्याउन सफल राजकुमार बगरको संगीतमा रहेको यस गीतको रचना वीरेन्द्रकुमार बलामीले गरेका छन् ।
यस गीतलाई सौरागले संयोजन गरेका हुन् । यम बरालका फ्यानहरुका लागि उनको स्वरमा सजिएको यो गीत सार्वजनिक भएको हो । संचारकर्मी कुमार आचार्यको निर्देशन रहेको यस गीतको म्युजिक भिडियोमा रमेश क्षेत्री, रितिष्का क्षेत्री र अनामिका कार्कीको अभिनय रहेको छ । अमृत पाण्डेको छायांकन रहेको भिडियोलाई विशाल बिसीले सम्पादन गेरेका छन् ।
