भारत पाकिस्तान बीचको टी–ट्वान्टी वल्र्डकपमा पाकिस्तानले बाजी मारे पछि भारतीयहरुको छटपटि सुरु भएको छ । भारतले म्याच हारेको बदला ट्रोलरहरुले आफ्नै देशका बलिउड अभिनेता अक्षय कुमार माथि पोखेका छन् । खेल हेर्न दुबइ पुगेका अक्षयलाई नानाथरी गालि सहित उनको ट्रोल बनाइएको छ । उनलाई ट्वीटरमा एकदमै नराम्रो संग गाली गरिएको छ भने मिठो ब्यंग पनि प्रहार भएको छ ।
दुबईमा भएको यस म्याच हेर्नका लागि लाखौको संख्यामा दर्शकहरु स्टेडियम पुगेका थिए । अक्षय कुमार पनि भारतको जितको गवाह बन्न पुगेका थिए स्टेडियम तर अन्त्यमा हारे संगै ट्रोलको शिकार हुन पुगेका छन् । सामाजिक सञ्जाल प्रयोगर्ताहरुले उनी स्टेडियमा उभिएको फोटो शेयर गर्दै उनको खिल्ली उडाएका हुन् । ट्रोल भएको कतिपय तस्बीरमा अक्षय कुमार हाँसिरहेको देखे पछि युजरहरु झनै अक्षय कुमार माथि भड्किएका छन् ।
एक युजरले लेखेका छन्– जब भारतले हार्दै थियो यी ब्यक्ति हाँसिरहेका थिए । मैले पहिलो पटक उनलाई स्टेडियमा देखे त्यसैले भारतले पनि हार्यो । अर्का एक युजरले अक्षयको फोटो इडिट गरेर पाकिस्तानको टी–शर्ट लगाइदिएर लेखेका छन्– सबै भन्दा खुशी हुनेवाला ब्यक्ति । अर्का युजरले भने स्टेडियमबाट खेल हेरिरहेका अक्षयको तस्बीर शेयर गर्दै बायोपिकको लागि नयाँ खेलाडी खोज्दै लेखेका छन् ।
