टेलिभिजनका एकदमै चर्चित तथा हेण्डसम कलाकार शोएब इब्राहिम आफ्नो ब्यक्तिगत जिवनलाई लिएर निक्कै चर्चामा आउने गरेका छन् । शोएब इब्राहिम अक्सर आफ्नो श्रीमती दीपिका कक्कड तथा परिवारका सदस्यहरुलाई केही न केही गिफ्ट दिएर बिशेष महसुस गराउन कुनै कसर बाँकि राख्दैनन् । तर यसपटक यी कलाकारले आफैलाई एक खास उपहार खरीद गरेका छन् । उनले आफ्नै लागि भनेर एक शानदार बाइक खरीद गरेका छन् । ससुराल सिमरका कलाकार शोएबले एक नयाँ टिलिक्कै टल्कने खालको डुकाटी बाइक खरीद गरेका छन् ।
शोएबले आफ्नो इन्ष्टाग्राम ह्याण्डलमा आफ्नो बाइक संगको तस्बीर शेयर गर्दै आफ्ना फ्यानहरुलाई जानकारी दिएका हुन् । शोएबले खरीद गरेको एक शानदार बाइक देखेर सबै फ्यानहरुले बधाई दिई रहेका छन् । एक फ्यानले प्रतिक्रिया जनाउँदै उनलाई आफ्नो नयाँ बाइकमा दीपिका लाई चढाएर घुमाउँदै गरेको फोटो पनि शेयर गर्न आग्रह गरेका छन् । युजरले लेखेकी छिन्– दिप्पोको साथमा ड्राइभमा जानु भिनाजु अनि प्लिज एउटा तस्बीर दिनु । शोएब तथा उनकी पत्नी दीपिका कक्कड युटुबमा भ्लग बनाउने गर्छन् ।
