आईसीसी टी–ट्वान्टी विश्वकप क्रिकेट अन्तर्गत सुपर १२ को खेलमा श्रीलंका बिजयी भएको छ । आज भएको खेलमा श्रीलंकाले बंगलादेश लाई ५ विकेटले हराउँदै बिजयी भएको हो । पहिला ब्याटिंग गरेके बंगलादेशले श्रीलंकालाई १ सय ७२ रनको लक्ष्य दिएको थियो । उक्त लक्ष्य श्रीलंकाले १८ ओभर ५ बलमा ५ विकेट गुमाएर पूरा गरेको थियो ।श्रीलंकाको जितमा चारिथ असलन्काले अविजित रहदै ८० रनको अर्धशतकीय इनिङ्स खेले भने भानुका राजपाक्षेले ५२ रनको अर्धशतकीय योगदान दिए ।
बंगलादेशका नासुम अहमेद र शकिब अल हसनले समान दुई दुई विकेट आफ्नो नाममा लेखाए । यस अघि पहिले ब्याटिङ गरेको बंगलादेशले २० ओभरमा ४ विकेट गुमाएर १ सय ७१ रनको योगफल तयार पारेको थियो ।बंगलादेशका मोहमद नाइमले ६२ रनको अर्धशतकीय इनिङ्स खेले । मुस्फिकर रहिमले अविजित रहदै ५२ रन बनाएका थिए ।श्रीलंकाका चामिका करुनारत्ने, बेनुरा फर्नान्डो र लाहिरु कुमाराले समान एक एक विकेट लिए । आजको यो जितसँगै श्रीलंकाले २ अंक जोडेको छ ।
