काठमाडौँ ७ कात्तिक । संरक्षित वन्यजन्तु गैंडाको खागसहित प्रहरीले दूई जनालाई पक्राउ गरेको छ ।
पक्राउ पर्नेहरुमा काठमाडौं महानगरपालिका स्वयम्भू बस्ने सोलुखुम्बु दुधकोशी गाउँपालिका-६ घर भएका १९ वर्षीय तिलक बहादुर बस्नेत र तार्केश्वर नगरपालिका लोकतान्त्रिक चोक बस्ने बागलुङ तमनखोला गाउँपालिका-१ घर भएका २८ वर्षीय दिपक गोतामे रहेका छन् ।
गैँडाको खाग अवैध रुपमा बिक्री भइरहेको सुचनाको आधारमा महानगरीय अपराध महाशाखा मिनभवनबाट खटिएको प्रहरीले काठमाडौं महानगरपालिका-९ गैरीगाउँबाट ९ सय ७० ग्राम तौल भएको गैँडाको खाग १ थान सहित पक्राउ गरेको हो ।
यस विषय थप अनुशन्धान गर्नको लागि वन कार्यालय हात्तीसार काठमाडौं पठाइएको महाशाखाले जनाएको छ ।
