सलमान खानले सन् २०२२ मा भूषण कुमारसँग एक विशेष प्रोजेक्टका लागि हात मिलाएका छन् । अब चाँडै सलमान खान आफ्ना फ्यानका लागि विशेष उपहार ल्याउन लागेका छन् । यो कुराले सलमान खानको फ्यान पनि एकदमै खुशी भएका छन् । किनकि यो गीत १ दिनपछि अर्थात भोलि २२ जनवरीमा रिलिज हुन लागेको थाहा पाउँदा छक्क पर्नुहुनेछ ।
यो गीतलाई सलमान खानको नजिकको साथी युलिया वन्तुर र पञ्जाबी गायक गुरु रन्धावाले गाएका छन् । यो रोमान्टिक गीतमा सलमान खानसँग तेलुगु अभिनेत्री प्रज्ञा जायसवाल देखिनेछिन् । यस गीतको शब्द शब्बीर अहमदले लेखेका हुन् । युलिया वन्तुर र गुरु रन्धावा पहिलो पटक एक प्रोजेक्टमा सँगै काम गर्दैछन्। अब दुबैको जुगलबन्दीलाई उनका फ्यानहरुले कति रुचाउछन् त्यो हेर्न बाँकी छ । गीतको बारेमा गुरु रन्धावाले भने-म युलिया वन्तुरसँग जुगलबन्दी गर्न पाउँदा निकै उत्साहित छु।
युलिया एक उत्कृष्ट कलाकार हुनुका साथै न्यानो व्यक्तित्व पनि हुन्। उनको स्वर फरक छ र उनले गीतलाई फरक स्तरमा पुर्याएकी छिन्। त्यस्तै युलियाले भनिन्- मै चला एउटा यस्तो गीत हो, जुन धेरै माया र भावनाले भरिएको छ। हामीले यसमा आफ्नो मन छोएका छौं, आशा छ गीतले जनताको मन छुनेछ।ू उनले यस गीतमा आफूलाई जोडेकोमा गुरु रन्धावालाई धन्यवाद दिए ।
