काठमाडौं ७ कात्तिक । मुख्यमन्त्री भीम आचार्यले आज विश्वासको मत लिने कार्यसुची रहेकोमा नेपाली कांग्रेसले भने प्रदेशसभाको बैठक स्थगित गर्न माग गरेको छ ।
प्रधानमन्त्री शेरबहादुर देउवा र बाढी पिडितको प्रभावित प्रदेश १ मा आउने भएकाले आजको बैठक स्थगित गर्न कांग्रेसले माग गरेको हो । साथै पार्टीभित्र पनि छलफल गर्नुपर्ने कांग्रेसले जनाएको छ ।
प्रमुख सचेतक केदार कार्कीले दिएको जानकारी अनुसार कतिपय सांसद सभापतिको कार्यक्रममा सहभागी हुनुपर्ने भएकोले प्रदेशसभा सचिवालयसमक्ष लिखित माग गरिएको जनाएका छन् ।
कार्कीले बताएअनुसार उक्त विनेदन दर्ता समेत भइसकेको छ ।
