काठमाडौं ५ कात्तिक । तास खेलिरहेको अवस्थामा प्रहरीले १९ जनालाई पक्राउ गरेको छ । पर्सा जिल्लाको पर्सागढी नगरपालिका–९ बरेवास्थित नन्दलाल दासको गाई गोठमा तास खेलिरहेको अवस्थामा निजहरुलाई प्रहरीले पक्राउ गरेको हो ।
पक्राउ पर्नेमा सोही नगरपालिका–३ बडनियार बस्ने ३० वर्षीय कोशिया ठाकुर सहित १९ जना पक्राउ परेका हुन् ।
निजहरुको साथबाट अस्थायी प्रहरी पोष्ट मनवाबाट खटिएको प्रहरीले नगद १ लाख ७१ हजार १ सय ३५ रुपैयाँ, ३ वटा मोटरसाइकल, २० थान मोबाइल, १ थान सादा चेक सहित बरामत गरेको छ ।
यस विषयमा प्रहरीले थप अनुशन्धान गरिरहेको छ ।
