घरेलु मैदानमा ओमानलाई हारको स्वाल चखाउँदै स्कटल्याण्ड आईसीसी टी ट्वान्टी विश्वकप क्रिकेटको सुपर १२ मा प्रवेश गर्न सफल भएको छ । आज राती सम्पन्न भएको खेलमा ओमानलाई ८ विकेटले पराजित गर्दै स्कटल्याण्ड सुपर १२ मा प्रबेश गरेको हो । स्कटल्याण्डको लागि यो पहिलो पटक विश्वकपको सुपर १२ मा प्रवेश हो ।
ओमानले स्कटल्याण्ड समक्ष १ सय २३ रनको लक्ष्य प्रस्तुत गरेको थियो । जवाफि ब्याटिंगमा उत्रिएको स्कटल्याण्डले १७ ओभरमा मात्र २ विकेट गुमाएर लक्ष्य पूरा गर्यो ।स्कटल्याण्डको जितमा कप्तान केली कोयट्जरले ४१ रन बनाए । म्याथ्यु क्रसले अविजित २६ रन जोड्दा रिची बेरिङटनले अविजित ३७ रन बनाए ।ओमानका खावर अली र फायज बुटले समान एक एक विकेट लिए ।
यस अघि पहिले ब्याटिङ गरेको ओमानले २० ओभरमा अलआउट हुँदै १ सय २२ रनको स्कोर खडा गरेको थियो ।ओमानका लागि अकिब इल्यासले ३७ रन जोड्दा जिशन मक्सुदले ३४ रन बनाए । स्कटल्याण्डका जोस डाभी एक्लैले ३ विकेट लिए । साफ्यान शारिफ र माइकल लीस्कले समान २ विकेट लिए । स्कटल्याण्डले ३ खेलमा ६ अंक जोड्यो ।स्कटल्याण्ड शीर्ष स्थानमा रहदै सुपर १२ मा पुगेको हो ।
