बलिउड अभिनेता शाहरुख खान तथा डिजाइनर गौरी खानका छोरा आर्यन खान ड्रग्स मामलामा पुरै दुनियाँमा चर्चाको शिखरमा रहेका छन् । आर्यन खान लाई एकदमै लो प्रोफाइलमा बस्न मन थियो त्यसैले उनी सामाजिक सञ्जालमा पनि खासै सक्रिय रहेका थिएनन् । त्यस्तै उनका साथी संगतहरु पनि बलिउड संग कुनै मतलव राख्दैनन थिए । उनको साथीहरु युएस तथा युकेका रहेका छन् ।
उनीहरुले एक आम परिवारको रुपमा भने चासो राख्ने गरेका छन् । अध्ययनको सिलसिलामा आर्यन यी दुबै ठाउँमा बसेका थिए । जब देखी आर्यन खानको नाम ड्रग्स केसमा मुछियो तब देखी आमा गौरी खान संग उनका साथीहरु टचमा रहेका छन् । साथै आर्यनको बारेमा जानकारी लिईरहेका छन् । त्यस्तै यसको अलवा उनको बहिनी सुहाना खान संग पनि उनका साथीहरु टचमा रहेका छन् ।
शाहरुख खानको परिवारका अनुसार आर्यनको बारेमा उनका साथीहरुले न्युज च्यानल तथा सामाजिक सञ्जाल मार्फत पनि जानकारी लिई रहेका छन् । यसै बर्षको नोभेम्बरमा आर्यन खानले आफ्ना युएसका साथीहरु संग रोड ट्रिपको योजना बनाएका थिए । अहिले यो प्लान रोकिएको छ । आर्यनले एकदमै थोरै साथीहरु बनाएका छन् जो परिवार संग जोडिएका छन् । फिल्म उद्योगमा उनको कुनै साथीहरु रहेका छैनन् ।
