मुम्बई ड्रग्स केसमा जोडिएको एक ठुलो तथा नयाँ अपडेट बाहिर आएको छ । एनसीबीले यो मामलामा बलिउड अभिनेत्री अनन्या पाण्डे संग सोधपुछ गर्ने तयारी गरेको छ । एनसीबीले अनन्या पाण्डेको फोन समेत जफत गरेको छ । एनसीबीका अनुसार अनन्यालाई सोधपुछ गर्नुको मतलब उनी यो केसकी आरोपी हुन् भन्ने नभए पनि जाँचको एक हिस्सा रहेकी छिन् । अभिनेत्री पाण्डेलाई २ बजेका लागि सोधपुछका लागि बोलाए पनि उनी अहिले सम्म गएकी छैनन् ।
अनन्या एकदमै चर्चित कलाकार चंकी पाण्डेको छोरी रहेकी छिन् । आर्यन खान तथा अनन्या पाण्डेबीच च्याट भएको कुरा एनसीबीलाई मिलेको थियो । च्याटमा नशालाई लिएर कुराकानी भएको खुलेको छ । यो च्याट देखेपछि एनसीबी एक्शनमा उत्रिएको हो । उनीहरु बीचको च्याट सुनवाईको क्रममा अदालतमा समेत दिइएको थियो ।
त्यस्तै आर्यन खान संग बलिउडकी उदाउँदी एक अभिनेत्रीको समेत च्याटमा कुराकानी भएको पाइएको छ । चंकी पाण्डे तथा शाहरुख खानका परिवार बीच एकदमै राम्रो बोन्ड रहेको छ । उनीहरु सबै साथीहरु रहेका छन् । शाहरुख की छोरी सुहानाको एकदमै मिल्ने साथीमा पर्छिन् अनन्या । अनन्याको आर्यन संग पनि राम्रो सम्बन्ध रहेको छ ।
