काठमाडौँ ४ कात्तिक । आज दिउँसो १ बजे बस्ने भनिएको बागमती प्रदेशसभाको बैठक दिउँसो ३ बजेका लागि तय भएको छ । प्रदेशसभा सचिवालयका कर्मचारीले दिएको जानकारी अनुसार बैठक निर्धारित समय भन्दा दूई घण्टा पर सरेको हो ।
एक बजे एमालेका सांसदहरु नआएका कारण बैठक सारिएको बताइएको छ । आजको प्रदेश सभामा बैठकमा मुख्यमन्त्री अष्टलक्ष्मी शाक्यले विश्वासको मत लिने कार्यसूची रहेको छ । तथापी, एमालेका सांसदहरु भने पार्टीको अधिवेशनको कामले बैठक मा आउन नमिल्ने बताउँदै आएका छन् ।
बैठक पनि कात्तिक ११ पछि राख्न आग्रह गरेका थिए । तर प्रदेश सरकार प्रवक्ता तथा भौतिक पूर्वाधारमन्त्री केशवराज पाण्डे दिएको जानकारी अनुसार दिउँसो ३ बजेको बैठकमा भने एमाले सांसदहरु आउने बताइएको छ ।
