काठमाडौं ४ कात्तिक । नेपाली कांग्रेसका नेता प्रकाशमान सिंह पार्टीको आसन्न महाधिवेशनमा सभापतिमा उम्मेदवारी दिने बताएका छन् ।
पटक पटक उम्मेदवारी दिने भन्दै आएका नेता सिंहले पार्टीलाई विधिसम्मत र संस्थागत रुपले सञ्चालन गर्न सक्ने नेतृत्वको खाँचो औंल्याउँदै फेरि पनि आफु सभापतिमा उम्मेदवारी दिने बताएका हुन् ।
आज बिहिबार धादिङमा पार्टीको धुनिबेसी नगर समितिको कार्यालय उद्घाटन कार्यक्रममा नेता सिंहले यस्तो प्रतिक्रिया दिएका हुन् ।
‘म गणेशमानको छोरा भएर मात्रै राजनीतिमा आएको होइन । मेरो आफ्नै छुट्टै संघर्ष छ । यहाँसम्म आइपुग्दा धेरै अवरोधहरुको समाना गरेको छु ।’ कार्यक्रममा उनले भने ।
सभापति शेरबहादुर देउवालाई लक्षित गर्दै उनले पार्टीको महाधिवेशन समेत गर्न नसक्नेले के देश चलाउन सक्छन् भन्दै जनताले भन्न थालेका समेत बताएका छन् ।
