काठमाडौं ४ कात्तिक । करेन्ट लागेर एकै परिवारका चार जना घाइते भएका छन् । सप्तरी जिल्लाको सदरमुकाम राजविराज नगरपालिका वडा नम्बर ६ मा आज बिहीबार बिहान करेन्ट लाग्दा ४० वर्षीय शिव नारायण साहको परिवारका चार जना घाइते भएका हुन् ।
घाइते हुनेमा साहकी पत्नी ३५ वर्षीया संतोसी साह, ३८ वर्षीया भाउजु राजकुमारी साह र भतिजो १८ वर्षीय रक्षित साह रहेका छन् । निजको घरको छतमा झुण्डिएको होडिङ बोर्ड हावाले झरेपछि नजिकै रहेको ११ हजार भोल्टको विद्युतीय तारमा ठोक्किएको थियो ।
त्यो होडिङ बोर्ड हटाउने क्रममा शिव साहलाई करेन्ट लागेपछि उनलाई छुटाउने क्रममा सबैलाई करेन्ट लागेको बताइएको छ ।
करेन्ट लागि गम्भिर घाइते भएका चारै जनाको गजेन्द्रनारायण सिंह अस्पताल, राजविराजमा उपचार भइरहेको प्रहरीले जनाएको छ ।
