बलिउड जगतमा राम्रो चलेकी नायिका अनुष्का शर्मा अहिले दुबईमा आफ्नो पति बिराट कोहली संग रहेकी छिन् । दुबईमा टी–२० वल्र्ड कप सुरु भएको छ । यसैका लागि आफ्नो श्रीमान् बिराट कोहलीको हौसला बढाउनका लागि उनी दुबईमै रहेकी हुन् । अनुष्काले हालै आफ्नो क्वारेन्टिन लाइफको झलक आफ्ना फ्यानहरुलाई दिएकी थिइन् । अब लाग्छ उनको क्वारेन्टिन पीरियड सकिएको छ । साथै उनी अहिले पति बिराट तथा छोरी भामिका संग एकदमै स्पेशल टाईम बिताई रहेकी छिन् ।
अनुष्का शर्माले एकदमै राम्रो तथा क्युट फोटो आफ्नो इन्ष्टाग्रामा शेयर गरेकी छिन् । उक्त तस्बिरमा बिराट कोहली आफ्नी छोरी भामिका संग रमाईरहेको देख्न सकिन्छ । उनी छोरी संग खेलिरहेको रमाईरहेको फोटोमा देख्न सकिन्छ । भामिका बल पिटमा धेरै बलहरुको साथमा बसिरहेको देख्न सकिन्छ ।
तस्बीर शेयर गर्दै अनुष्काले क्याप्शनमा लेखेकी छिन्– मेरो मुटु एक फ्रेममा रहेको छ । अनुष्काले शेयर गरेको यो फोटोमा कैयौ सेलिब्रेटीहरुले प्रतिक्रिया जनाएका छन् । मसाबा गूप्ता, रकुल प्रीत सिंह, नीति मोहन लगायतका सेलिब्रेटीहरुले बिराट र उनको छोरीको खेलिरहेको फोटोमा प्रतिक्रिया जनाएका हुन् ।
