काठमाडौं । नेपालमा आज थप ३९१ जनामा कोरोना संक्रमण पुष्टि भएको छ । दसैँमा देशभर टीकाटाला धुमधामले लगाइरहँदा कोरोना संक्रमणको दर बढ्ने आँकलन गरिराखिएको समयमा आइतबार थप ३९१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ६ हजार ९ सय ६६ जनाको पीसीआर परीक्षण गर्दा ३८५ जना र १ हजार १ सय ११ जनाको एन्टीजेन परीक्षण गर्दा ६ जना गरी ३९१ जनामा कोरोना संक्रमण पुष्टि भएको हो ।
त्यस्तै पछिल्लो २४ घण्टामा कोरोना संक्रमणबाट ६ जनाको मृत्यु भएको छ भने ६८० जना निको भएका छन् । यसअघि शनिबार कोरोनाबाट जम्मा १ जनाको मृत्यु भएको थियो ।
