मुगु २६ असोज । नेपालगन्जबाट मुगुको लागि छुटेको यात्रुवाहक बस दुर्घटना हुँदा १६ जनाको ज्यान गएको छ ।
जिल्लाको मुगु सदरमुकाम गमगढीतर्फ जाँदै गरेको भे १ ख ६७ नम्बरको बस छाँयानाथ रारा गाउँपालिका– ७ स्थित पिनागाउँमा आज मंगलबार दिउँसो २ बजे दुर्घटना भएको हो ।
१६ जनाको ज्यान जाने गरी भएको दुर्घटनामा डेढ दर्जन भन्दा बढी घाइते भएको बताइएको छ । प्रहरीले दिएको जानकारी अनुसार भिरालो बाटोका कारण बस दुर्घटना भएको हुन सक्ने जनाएको छ ।
घटनाको विस्तृत जानकाी आउन बाँकी छ । घटनास्थलमा उद्धार कार्य पनि भइरहेको मुगु प्रहरीले जनाएको छ ।
