झापा २५ असोज । मासु पसल सञ्चालन गर्दै आएका एक व्यवसायीको हत्या भएको छ । झापाको बिर्तामोडमा अर्जुनधारा–६ स्थित शनिश्चरे जाने बाटोमा महानन्द चौक नजिकै स्थानीय इन्द्र मगरको हत्या भएको हो ।
शरीरका विभिन्न भागमा चोटपटक लागेको अवस्थामा राती १० बजे घटनास्थलमा पुगेको इलाका प्रहरी कार्यालय बिर्तामोडको टोलीले शव फेला पारेको हो ।
इलाका प्रहरी कार्यालय बिर्तामोडको प्रारम्भिक अनुशन्धानबाट उनको हत्या भएको खुल्न आएको छ ।
उनको शव पोष्टमार्टमका लागि शव मेची अस्पताल भद्रपुर पठाइएको प्रहरीले जनाएको छ ।
