आईसीसी टी ट्वान्टी विश्वकप क्रिकेटको विजेताले पाउने पुरस्कार राशीको घोषणा भएको छ । अब बिजेताले १.६ मिलियन अमेरिकी डलर पुरस्कार प्राप्त गर्ने भएका छन् । अन्तराष्ट्रिय क्रिकेट परिषद आईसीसीले आज विजेताले पाउने पुरस्कार रकमको बारेमा घोषणा गरेको हो । त्यस्तै उपविजेताले ८ लाख अमेरिकी डलर पाउने छ भने सेमिफाइनल पुग्ने टोलीले नगद ४ लाख अमेरिकी डलर पाउने आईसीसीले जनाएको छ । टी ट्वान्टी विश्वकप युएई र ओमानमा हुदैछ । अक्टोबर १७ बाट नोभेम्बर १४ सम्म संयुक्त रुपमा आयोजना बिश्वकपको आयोजना हुनेछ । विश्वकपमा १६ टिमको सहभागिता रहनेछ ।