टेलिभिजनको पपुलर रियालिटी शो सुपर डान्सर च्याप्टर ४ को ग्राण्ड फिनाले अक्टुबर ९ अर्थात भोली हुदैछ । ग्राण्ड फिनाले सोनी टेलिभिजन बाट प्रशारण हुदैछ । यो एक बालबालिकाहरुको डान्स रियालिटी शो रहेको छ । ग्राण्ड फिनालेमा सबै प्रतिष्पर्धीहरुले एकदम दमदार प्रस्तुत दिने तयारी गरेका छन् । यस शो मा गीता कपुर, शिल्पा शेट्टी तथा अनुराग बासुले जर्ज गरिरहेका छन् । यो शो सोनी च्यानलमा राती ८ बजे देखी हेर्न सकिने छ । टेलिभिजन बाहेक सोनी लाइभको एप बाट पनि प्रत्यक्ष देख्न सकिन्छ ।
यस शो लाई जियो टीभिमा पनि लाइभ देख्न सकिन्छ । यस शो को टप फाईभमा जोहाट बाट फ्लोरीना गोगोइ, आसाम बाट सुपर गुरु तुषार शेट्टी , नयाँ दिल्ली बाट ईशा मिश्रा, सुपर गुरु सोनाली कार , पञ्जाब बाट संचित थन्ना, सुपर गुरु बर्तिका झा , बेलगाम बाट पृथ्वीराज, सुपर गुरु सुबै्रनील पल, मध्य प्रदेश बाट नीरजा तथा सुपर गुरु भावना रहेका छन् ।
प्रतिष्पर्धीहरु मात्र हैन यस शो का निर्णायकहरु पनि डान्स गर्दै गरेको देख्न पाईने भएको छ । मेकर्सले एक प्रोमो भिडियो आफ्नो अफिशियल इन्ष्टा ह्याण्डलमा शेयर गरेको छ । जसमा शिल्पा शेट्टी बेली डान्स गर्दै गरेको देख्न सकिन्छ । शिल्पाको यो धमकेदार डान्सले उनका फ्यानहरुलाई पुरै उत्साहित गराई दिएको छ ।
