जलेश्वर २२ असोज । स्रोत नखुलेको १० लाख रुपैंयाँ सहित प्रहरीले दुई जनालाई पक्राउ गरेको छ ।
पक्राउ पर्नेमा मनरासिस्वा नगरपालिका–५ बस्ने मोटरसाइकल चालक ३४ वर्षीय दिपेन्द्रकुमार साह र सोही मोटरसाइकलमा पछाडि सवार भङ्गहा नगरपालिका–७ बस्ने १८ वर्षीया विन्दाकुमारी साह रहेका छन् ।
निजहरुलाई प्रदेश नं २ प्रदेश प्रहरी कार्यालय जनकपुर र जिल्ला प्रहरी कार्यालय महोत्तरीबाट खटिएको प्रहरी टोलीले संयुक्त रुपमा जलेश्वर नगरपालिका–८ बजराही गाउँको भित्री सडकबाट पक्राउ गरेको हो ।
पक्राउ परेका दुवैलाई रकमसहित नियन्त्रणमा लिएर जिल्ला प्रहरी कार्यालय महोत्तरीमा पठाइएको छ । यस विषयमा थप अनुशन्धान भइरहेको छ ।
