सन्दिप लामिछानेको टिम काठमाडौं किंग्स ११ चौंथो संस्करणको एभरेष्ट प्रिमियर लिग ईपीएल टी ट्वान्टी क्रिकेट प्रतियोगिताको उपाधी होड बाट बाहिरीएको छ । भैरहवा ग्लाडियसर्ट भने जित हाँसिल गर्दै क्वालिफायरमा प्रवेश गरेको छ । आज भएको एलिमिनेटरमा काठमाडौं लाई १६ रनले पराजित गर्दै भैरहवा क्वालिफायरमा प्रवेश गर्न सफल भएको हो । अब भैरहवाले फाइनल प्रवेशका लागि दोस्रो क्वालिफायरमा पोखरा राइनोजसँग प्रतिस्पर्धा गर्नेछ । चितवन भने फाइनल पुगिसकेको छ ।
आज भएको खेलमा भैरहवाले १ सय ८९ रनको लक्ष्य प्रस्तुत गरेको थियो । लक्ष्य पछ्याउँदै जवाफी ब्याटिङमा उत्रिएको काठमाडौंले २० ओभरमा ८ विकेट गुमाएर १ सय ७२ रन मात्र बनाएको थियो । काठमाडौंका लागि असान प्रियन्जनले ६८ रनको अर्धशतकीय इनिङ्स खेलेपनि आफ्नो टीमलाई जित दिलाउन सकेनन् । यस अघि टस जितेर पहिले ब्याटिङ गरेको भैरहवाले निर्धारित २० ओभरमा ८ विकेट गुमाएर १ सय ८८ रनको स्कोर बनाएको थियो ।
भैरहवाका लागि कप्तान शरद भेषावकरले सर्वाधिक ४९ रनको योगदान गरे । उनी अर्धतशक बनाउन १ रन बाट चुकेका थिए । काठमाडौंका असान प्रियन्जन र कप्तान सन्दीप लामिछानेले समान दुई दुई तथा शेर मल्ल, जितेन्द्र मुखिया र जनक प्रकाशले एक एक विकेट लिएका थिए । भैरहवा र पोखराबीचको दोस्रो क्वालिफायर बिहीबार हुनेछ । यस खेलको विजेता फाइनल पुग्नेछ ।
