काठमाडौं २० असोज । भारतीय सत्तारुढ दल भारतीय जनता पार्टी ९भाजपा० को निमन्त्रणामा नेपाली कांग्रेस भोली बिहिबार भारत जाने भएको छ ।
भारतसँग सिमा विवाद, नाकावन्दी लगायत अन्य राजनीतिक कारणवाट विग्रेको सम्वन्ध सुधारका लागि सत्तारुढ दल नेपाली कांग्रेसको प्रतिनिधिमण्डल भोली भारत जाने भएको हो ।
भाजपाका वैदेशिक मामिला विभागका प्रमुख विजय चौथाइवालेको निमन्त्रणामा कांग्रेसका सहमहामन्त्री तथा पूर्व परराष्ट्रमन्त्री प्रकाशशरण महतको नेतृत्वमा उदय शम्शेर जबरा र अजय चौरसिया भारत जान भएका हुन् ।
भारतमा रहँदा प्रतिनिधिमण्डलले भाजपा अध्यक्ष जेपी नड्डा, राष्ट्रिय महासचिव अरुण सिंह र वैदेशिक मामिला विभागका प्रमुख चौथाइवाले र भारतीय विदेशमन्त्री एस जयशंकरलाई भेट्ने कार्यक्रम तय भएको छ ।
गत भदौमा मात्र सहमहामन्त्री महतको निमन्त्रणमा चौथाइवाले नेपाल आएका थिए ।
