पोखरा राइनोजले ईपीएल टी ट्वान्टी क्रिकेटमा जित निकालेको छ । आज टियु क्रिकेट मैदानमा भएको खेलमा पोखराले काठमाडौं किङ्स ११ लाई डीएल पद्दतिको आधारमा १४ रनले पराजित गर्न सफल रह्यो । आज यो पराजय सँगै काठमाडौंको प्लेअफको यात्रा कठिन बनेको छ । काठमाडौं ४ खेलमा २ अंक जोडेर पाँचौं स्थानमा रहेको छ । अब प्लेअफमा पुग्न काठमाडौंलाई अन्तिम खेल जित्नै पर्ने दबाब सृजना भएको छ । पोखरा भने यस अघि नै प्लेअफ पुगिसकेको छ ।
काठमाडौंले पोखरा समक्ष १ सय ८३ रनको लक्ष्य प्रस्तुत गरेको थियो । लक्ष्य पछ्याउँदै जवाफी ब्याटिङ उत्रिएको पोखरा १५ ओभरमा ५ विकेट गुमाएर १ सय ४२ रन बनाएको थियो । भारी वर्षा भएपछि पोखराले ब्याटिङ गरिरहदा खेल रोकिएको थियो । त्यसपछि खेल पुनः सुरु हुन सकेन र डीएलको आधारमा पोखराले जित निकालेको हो ।
