आज भएको खेलमा पराजित भएपछि विराटनगर वारियर्स ईपीएल टी ट्वान्टी क्रिकेट प्रतियोगिताबाट बाहिरिएको छ । पोखरा राइनोजसँग ७ विकेटले पराजित भए पछि विराटनगर बाहिरिएको हो । बिराटनगर एक खेल अगाडी नै बाहिरिएको छ । टियु क्रिकेट मैदानमा विराटनगरले पोखरा लाई १ सय ७३ रनको लक्ष्य प्रस्तुत गरेको थियो । पोखराले १७ ओभर ४ बलमा मात्र ३ विकेट गुमाएर उक्त लक्ष्य पूरा गरेको थियो ।
पोखराको जितमा असेला गुनारत्नेले अविजित रहदै ५० रनको अर्धशतकीय इनिङ्स खेले । यस अघि टस हारेर पहिले ब्याटिङ गरेको विराटनगरले २० ओभरमा ५ विकेट गुमाएर १ सय ७२ रनको स्कोर खडा गरेको थियो । विराटनगरका लागि आसिफ शेखले सर्वाधिक ४४ रन जोडे भने सिकन्दर राजाले २९ रन जोडे । पोखराका बिक्रम सोवले २ विकेट लिए । विवेक यादव, नन्दन यादव र साहन अर्चाचिगेले एकरएक विकेट हात पारे ।
