काठमाडौँ १५ असोज । १४ वर्षीय बालिकालाई प्रेमको नाटक गरी भारतमा बेच्ने तयारी गरेका एक युवकलाई प्रहरीले पक्राउ गरेको छ । पक्राउ पर्नेमा
पर्वत जिल्लाको मोदी गाउँपालिका ५ बस्ने २४ वर्षीय सूर्यबहादुर भण्डारी रहेका छन् । निजले बालिकासाग प्रेम गरेको नाटक गरी नेपाल भारत सीमा जोगबनी पुर्याएको प्रहरीले जनाएको छ ।
निजलाई जिल्ला प्रहरी कार्यालय पर्वतबाट खटिएको प्रहरी टोलीले कुश्मा नगरपालिका ६ शिवालयबाट पक्राउ गरेको हो ।
घटना हो असोज ६ गतेको । भण्डारीमाथि मानव बेचबिखन तथा ओसारपोसार मुद्दामा जिल्ला अदालत पर्वतबाट म्याद थप गराई थप अनुसन्धान सुरु गरेको प्रहरीले जनाएको छ ।
