काठमाडौं ८ असोज । महिलाले लगाउने स्यानिटरी प्याडमा मूल्यवृद्धि भएको भन्दै चौतर्फी आलोचना भएपछि सरकारले यस विषयमा स्पष्टिकरण दिएको छ ।
अर्थ मन्त्रालयले स्यानिटरी प्याडमा कुनै पनि कर वृद्धि नगरेको स्पष्ट पारेको छ । राजस्व सचिव कृष्णहरि पुष्करले दिएको जानकारी अनुसार जुनसुकै पदार्थका स्यानिटरी टाबेल (प्याड) र टेम्पोन, केटाकेटीका लागि आवश्यक पर्ने न्याप्किन र पुछ्ने रुमाल (न्याप्किन लाइनर)तथा यस्तै, सामानमा कुनै पनि कर वृद्धि गरिएको छैन ।
देशभित्र स्यानिटरी प्याडको उत्पादनलाई विशेष प्रोत्साहन गर्ने नीति लिइएकाले यसमा कुनै पनि कर वृद्धि नगरिएको स्पष्ट पारेका छन् ।
