काठमाडौं ७ असोज । सटर फुटाएर मोवाइल चोरेको अभियोगमा प्रहरीले दुई जनालाई पक्राउ गरेको छ ।
पक्राउ पर्नेमा सुर्खेतको वीरेन्द्रनगर घर भएका ३० वर्षीय इस्लाम दिन र बाँकेको डुडुवा गाउँपालिका घर भएका ४० वर्षीय मुसा कुरेसी रहेका छन् ।
निजहरुलाई मोवाइल चोेरेर भाग्दै गर्दा जिल्ला प्रहरी कार्यालय बर्दियाबाट खटिएको प्रहरीले पक्राउ गरेको हो ।
निजहरुले बढैयाताल गाउँपालिका–६ मैनापोखर बजारमा रहेको क्रितिसा इलेक्ट्रिकल पसलको सटर फुटाएर मोवाइल चोरेको प्रहरीको अनुशन्धानबाट खुल्न आएको छ । उनीहरुको साथबाट प्रहरीले चार वटा मोवाइल वरामत गरेको छ ।
उनीहरुले असोज ६ गते राति २ बजे सटर फुटाएर मोवाइल चोरेका हुन् ।
