ईन्डियन प्रिमियर लिग क्रिकेट आईपीएल टी ट्वान्टी क्रिकेटमा आज भएको खेलमा कोलकत्ता नाइट राइडर्सले शानदार जित निकालेको छ । कोलकत्ताले रोयल च्यालेन्जर्स बैंगलोरमाथि ९ विकेटको हानदार जित निकालेको हो ।
भर्खरै सम्पन्न खेलमा बैंगलोरले दिएको ९३ रनको सामान्य लक्ष्य कोलकत्ताले १० ओभरमा १ विकेटको नोक्सानीमा भेट्टाएको थियो । कोलकत्ताको जितमा सुबमन गिलले ४८ रन बनाए । उनी अर्धशतक बनाउन २ रनले चुकेका थिए । यस्तै भेन्काटेस आयर ४१ रनमा अविजित रहे ।
आन्द्रे रसेल सुन्य रनमा अविजित रहे ।बैंगलोरका युजभेन्द्र चाहलले १ विकेट लिए । यस अघि पहिले ब्याटिङ गरेको बैंगलोर १९ ओभरमा अलआउट हुँदै ९२ रनमा समेटिएको थियो । बैंगलोरका देबदुत पडिकलले सर्वाधिक २२ रन जोडे । सृकर भारतले १६ रन जोड्दा हर्सल पटेलले १२ रन बनाए । ग्लेन म्याक्सवेल १० रनमा आउट भए ।
कप्तान विराट कोहली ५ रनमा आउट भएका थिए ।आजको जितसँगै कोलकत्ताले ८ खेलमा ६ अंक जोडेको छ । कोलकत्ता पाँचौं स्थानमा उक्लिएको छ । बैंगलोर १० अंक जोडेर तेस्रो स्थानमा रहेको छ ।
