काठमाडौँ ४ असोज । गाँजावादी एक हौं भन्दै आज सोमबार एक समुहले काठमाडौंको माइतिघरमा प्रदर्शन गरेका छन् ।
गाँजाको आरोपमा पक्राउ परेका राजीव काफ्लेको रिहाईको माग गर्दै गाँजालाई वैधानिकता दिन भन्दै उक्त समुहले आज प्रदर्शन गरेको हो ।
प्रदर्शनकारीले ‘गाँजावादी एक हौँ’, ‘देश गाँजा खानेले होइन, नखानेले बिगारेको हो’ ‘गाँजा भनेको गाँजा हो, ‘आधा नेपालीको खाजा हो’ भन्दै लेखिएको प्लेकार्ड बोकी प्रदर्शन गरेका थिए ।
गाँजालाई वैधानिकता प्रदान गरी देशको अर्थतन्त्र उकास्न सरकारसँग माग समेत राखेका उनीहरुले गाँजामाथिको प्रतिबन्ध खुलाउन नेपालभित्र र अन्तर्राष्ट्रियस्तरमा पनि लबिङ गरिरहेका काफ्लेलाई पक्राउ गरेको प्रति आपत्ती जनाउँदै तत्काल रिहाईको माग गरेका छन् ।
