काठमाडौँ १ असोज । दशैँको लागि उपत्यका बाहिर जानको लागि असोज १० गते देखि अग्रिम टिकट बुकिङ खुल्ने भएको छ ।
आज शुक्रबार यातायात व्यवस्था विभाग, व्यवसायी, ट्राफिक प्रहरी र प्रशासनबीच बसेको बैठकले टिकट बुकिङ खुला गर्ने निर्णय गरेको हो ।
सार्वजनिक यातायात केन्द्रीय महासंघ अध्यक्ष डोलनाथ खनालले अग्रिम टिकट बुकिङ १० असोजदेखि खुलाउन सहमत भएको जनाएका हुन् ।
तथापी, नेपाल यातायात व्यवसायी राष्ट्रिय महासंघले भने सहमति जनाएको छैन । यस महासंघमा करिब १०० वटा कम्पनी आवद्ध रहेको खनालले जनाएका छन् ।
