श्रीलंकाका राष्ट्रिय क्रिकेट टोलीका पुर्व कप्तान लासिथ मालिंगाले केही दिन अघि क्रिकेट बाट सन्यासको घोषणा गरे । क्रिकेटमा लामो समय सम्म योगदान दिएका उनले अब क्रिकेट जिवन बाट सन्यास लिए पछि उनका फ्यानहरु निराश बनेका छन् ।
उनकै नेतृत्वमा श्रीलंकाले सन् २०१४ को टी ट्वान्टी बिश्वकप क्रिकेटको उपाधी जितेको थियो । उनको अनौठो प्रकारको बलिंग गर्ने शैलीले सबैलाई चकित पारेको थियो । उनको बलिंगको शैलीलाई लिएर सुरुवातमा केही बिबाद समेत भएको थियो ।
बलिङ गर्ने बेला उनको हात उनको टाउको नजिक नभएर त्यसबाट टाढा हुने गर्थ्यो । उनी बिश्वकै तिब्र गतिका बलरका रुपमा चिनिएका थिए । उनले सन्यास लिएपछि एक भावुक कुरा बताएका छन् ।
उनले अब आफ्नो जुत्ताले आराम पाएको बताएका छन् । उनले भनेका छन्, ‘मेरो जुत्ताले अब आराम पाउने छन्, तर क्रिकेट प्रतिको मेरो माया अझ बढ्ने छ ।’
