ओखलढुंगा २७ भदौ । अंशवण्डाको विषयमा विवाद हुँदा आफ्नै भाइले दाईको हत्या गरेको अभियोगमा प्रहरीले दुई जनालाई पक्राउ गरेको छ ।
पक्राउ पर्नेमा खिजिदेम्बा गाउँपालिका ५ ढाडखर्क बस्ने मृतककै माईला भाइ ६७ बर्षीय शेर बहादुर तामाङ र शेरबहादुरकै छोरा ३६ वर्षीय वीर बहादुर तामाङ रहेका छन् ।
निजहरुले अंशबण्डाको बिषयमा विवाद हुँदा खुकुरी तथा दाउ प्रहार गरी दाई मित्रबहादुरको हत्या गरेको प्रहरीले जनाएको छ । उनको घटनास्थलमै ज्यान गएको थियो ।
ईलाका प्रहरी कार्यालय खिजिफलाटेबाट खटिएको प्रहरीले निजहरुलाई खुकुरी तथा दाउ सहित पक्राउ गरेको छ । यस विषयमा थप अनुशन्धान भइरहेको प्रहरीले जनाएको छ ।
