नेपालले पपुवा न्युगिनी पीएनजी विरुद्धको दुई खेलको एकदिवसीय अन्तराष्ट्रिय सिरिज जितेको छ । नेपालले सिरिज २ ० ले जितेको हो । आज भएको दोस्रो तथा अन्तिम खेलमा नेपालले पीएनजीलाई १ सय ५१ रनको बिशाल अन्तरले पराजित गरेको हो ।
नेपालको जितका लागि आज ब्याटिंगमा रोहीत पौडेल र बलिंगमा सन्दिप लामिछाने चम्किदा यति ठुलो रन अन्तरले नेपालले सिरीज जित्न सफल भएको हो । यस अघि पहिलो खेलमा नेपालले पीएनजीलाई २ विकेटको जित निकालेको थियो ।
नेपालले दिएको २ सय ३४ रनको लक्ष्य पछ्याएको पीएनजीले १९ ओभर १ बलमा अलआउट हुँदै ८२ रनमा समेटियो । आजको खेलमा नेपालका लागि रोहीतले ८६ रनको योगदान दिए ।
त्यस्तै पीएनजीलाई सस्तैमा समेट्न सन्दिप लामिछाने एक्लैले ११ रन खर्चिदै ६ विकेट लिन सफल भए । सन्दिप संगै सोमपाल कामी, बिक्रम सोब, सुसन भारीले एक एक विकेट लिए ।
