संखुवासभा भदौ २१ । अज्ञात समुहबाट धारिलो हतियार प्रयो गरी एकै परिवारको ६ जनाको हत्या भएको छ ।
संखुवासभामा जिल्लाको मादी नगरपालिका-१, खोला गाउँका तेजबहादुर कार्की परिवारमा रहेका ६ जनाको हत्या गरिएको छ ।
हत्याबाट ज्यान गुमाउनेमा ५८ वर्षीया तेजबहादुर कार्की, उनकी आमा ८० वर्षीया पार्वता कार्की, श्रीमती ५६ वर्षीया मनमाया कार्की, २८ वर्षीया बुहारी रञ्जना कार्की, १० वर्षीय नाती दिपक कार्की र ५ वर्षीया नातिनी गोमा कार्की रहेका छन् । सबैको शव फरक फरक स्थान रहेको जनाइएको छ ।
कसैको शव बाटोमा, कसैको बारीमा र कसैको खोल्सामा भेटिएको बताइएको छ ।
राति हत्या गरिएको हुन सक्ने बताइएको छ ।
अहिले घटनास्थलमा प्रहरीले अनुशनधान गरिरहेको जिल्ला प्रहरी कार्यालयले खाँदबारीले जनाएको छ । घटना के कारणले घट्यो रहस्यको विषय बनेको छ ।
