बारा, १७ भदौ-प्रसौनी गाउँपालिका-१ बस्ने २२ वर्षीय सुरज रामलाई मोटरसाइकल चोरी गरेको अभियोगमा मोटरसाइकल सहित बिहीबार बिहान प्रहरीले पक्राउ गरेको छ ।
प्रसौनी गाउँपालिका-४ खुटवा टोल बस्ने महबुब मियाँ अंसारीको घरमा राखिएको ना.३६ प ३०२५ नम्बरको मोटरसाइकल बिहीबार बिहान चोरी भएको खबर प्राप्त हुनासाथ ईलाका प्रहरी कार्यालय प्रसौनीबाट खटिएको प्रहरीले खोजी गर्ने क्रममा प्रसौनी गाउँपालिका-१ स्थित शिव पार्वती धर्मकट्टा नजिकबाट सुरजलाई उक्त मोटरसाइकल सहित फेला पारी पक्राउ गरेको हो ।
उनीउपर जिल्ला अदालत बाराबाट ७ दिनको म्याद थप अनुमति प्राप्त गरी थप अनुसन्धान भईरहेको जिल्ला प्रहरी कार्यालय बाराले जनाएको छ ।
